Bashkimi Evropian paralajmëroi Serbinë se emërimi i një gjenerali, i cili ka qenë i dënuar për krime lufte, si ligjërues i një akademie ushtarake, është kundër parimeve të BE-së, ku Serbia synon të anëtarësohet.
Gjenerali i pensionuar, Vlladimir Llazareviq, është dënuar me 14 vjet burgim nga Tribunali për Krime Lufte i Kombeve të Bashkuara, për mizoritë e kryera nga trupat serbe në Kosovë, gjatë luftës së viteve 1998-99.
Llazareviq është liruar në vitin 2015 pasi ka shërbyer dy të tretat e dënimit.
Zëdhënësja e BE-së, Maja Kocijançiç, tha përmes një deklarate se blloku pret që “udhëheqësit politikë të respektojnë viktimat e konflikteve të kaluara dhe të promovojnë sinqerisht pajtimin në Ballkanin Perëndimor”.
“Liderët politikë duhet t'i udhëheqin të gjitha përpjekjet për të kapërcyer trashëgiminë e vështirë të së kaluarës dhe për të nxitur besimin e ndërsjellë, dialogun dhe tolerancën”, tha Kocijançiç.
Edhe
Rehabilitimi i kriminelëve
“Serbia, si vend kandidat për BE-në, nuk mund të devijojë nga këto parime. Emërimi i një krimineli të dënuar për krime lufte në Akademinë Ushtarake të Serbisë është kundër këtyre parimeve”, shtoi Kocijançiç.
Llazareviq ka mbajtur ligjëratën e parë në akademi javën e kaluar. Ligjërata është titulluar: “Heroizmi dhe humanizmi i ushtarëve serbë në mbrojtjen kundër agresionit të NATO-s”.
-
Gjenerali serb i krimeve në Kosovë u ligjëroi kadetëve për “heroizmin e ushtrisë serbe kundër NATO-s”
-
Thaçi pret reagim të BE-së për angazhimin e të dënuarit për krime në Kosovë në Akademinë serbe
-
I dënuari për krime lufte në Kosovë, nis ligjërimin në Akademinë Ushtarake të Serbisë
-
BE-ja kundër pranisë së kriminelëve të luftës në fushatën zgjedhore në Serbi