-
Nga:
Augustin Palokaj
- 8 shkurt 2019 07:41
- Shpërndaje në:
Në BE janë shprehur “paksa të habitur” me jehonën që ka pasur në Kosovë një përgjigje e zëdhënëses për çështje të jashtme dhe zgjerim, Maja Kocijançiq, ndaj një pyetjeje të mediave të Serbisë për veprimet e Kosovës lidhur me “Trepçën”.
Nga kjo përgjigje mediat serbe kanë nxjerrë konkludimin se “BE-ja kërkon që për statusin e ‘Trepçës’ të diskutohet në dialog”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo ka acaruar Qeverinë e Kosovës, e cila ka porositur se “nuk do të diskutohet me Beogradin për pronësitë dhe resurset natyrore të Kosovës”.
Por një ditë më vonë në BE e kanë relativizuar peshën e përgjigjes që kanë dhënë duke porositur se “ka qenë vetëm shprehje e qëndrimit të përgjithshëm, parimor, e BE-së si lehtësues, se të gjitha problemet e hapura duhet të zgjidhen me marrëveshjen gjithëpërfshirëse, ligjërisht obliguese”.
Në BE pohojnë se nuk e kanë përmendur “Trepçën” në mënyrë specifike në përgjigje ndaj pyetjeve të mediave serbe, por është “interpretim i mediave të Serbisë” se BE-ja ka thënë se për “Trepçën” duhet të bisedohet në dialog, shkruan sot Koha Ditore.
Përgjigjja e zëdhënëses në emër të BE-së ka qenë vetëm “parimore”, ndërsa për temat të cilat mund të diskutohen në dialogun e Brukselit vendosin vetë palët. (Artikullin e plotë mund ta lexoni në numrin e sotëm të Kohës Ditore)