Banorët e fshatit Shipitullë, të Komunës së Obiliqit, janë të bindur për të mos i lëshuar pronat e tyre, nëse ato nuk vlerësohen në bazë të çmimit të tregut.
Nëse Qeveria nuk do të arrijë të kryejë shpronësimin e tetë shtëpive në këtë fshat, Kosova pas 1 muaji mund të përfundojë në kolaps energjetik, pasi që KEK-u nuk ka ku të kryejë mihje, raporton KTV.
Kusht tjetër i këtyre banorëve është edhe punësimi i një anëtari nga secila familje në Korporatën Energjetike të Kosovës.
Në mbledhjen e fundit të Qeverisë që u mbajt të premten, nuk është miratuar kërkesa e KEK-ut që të nisë evakuimi urgjent i një pjese të shtëpive për të nisur nxjerrja e thëngjillit, u vendos që kjo të bëhet përmes Ligjit të shpronësimit.
Në këtë pjesë do të shpronësohen 120 hektarë për të ndërtuar fushën e mihjes së re.
-
Banorët e Shipitullës kërkojnë që shteti t’ua blejë edhe shtëpitë me oborre
-
KEK-u u reagon banorëve të Shipitullës: Shpronësimi i tokave bëhet bazuar në Planin Kryesor Xehetar
-
Qeveria vendos për shpronësim të disa pronave për nevoja të KEK-ut
-
Banorët e Shipitullës, mes pluhurit dhe zhurmës së ekskavatorëve
-
Ende nuk dihet kostoja për shpronësimin e 120 hektarëve të tjerë për zgjerimin e mihjes së KEK-ut