Banorët e dëmtuar nga shpërthimi i mjeteve piroteknike në një pikë shitjeje në lagjen “Bazhderhane” në Prizren do të kompensohen për dëmin që u është bërë.
Kryetari i Komunës së Prizrenit, Shaqir Totaj, ka thënë se Komisioni për vlerësimin e dëmeve u ka treguar banorëve se kanë afat 7 ditë që të parashtrojnë kërkesë për dëmet që u janë shkaktuar.
“Komisioni për vlerësimin e dëmeve të shkaktuara nga incidenti me mjete piroteknike në lagjen ‘Bazhdarhane’ ishte sot në vendin e ngjarjes për t'i informuar banorët e dëmtuar se duhen, në afat prej 7 ditësh sipas ligjit, të parashtrojnë kërkesë në Drejtorinë e Emergjencave dhe Sigurisë për dëmet që u janë shkaktuar”, ka shkruar Totaj në Facebook.
Një person ka mbetur rëndë i lënduar nga zjarri më 1 janar dhe është duke u trajtuar në Intensivë në Qendrën Klinike Universitare të Kosovës. Nga QKUK-ja patën thënë se gjendja e tij është shumë e rëndë.
Si pasojë e këtij zjarri, ishin shkaktuar edhe dëme materiale në banesa, lokale dhe automjete përreth.
-
Fishekzjarrët prishin festën, një 25-vjeçar në gjendje kritike e 24 të lënduar
-
24 të lënduar nga mjetet piroteknike
-
Zjarri në Prizren: Një i lënduar rëndë e dëme në lokale, banesa dhe automjete
-
Gjendja e të lënduarit në Prizren e rëndë, dërgohet në sallën operative
-
Dy të lënduar nga zjarri që përfshiu një pikë shitjeje të fishekzjarreve në Prizren