Kryeministri Albin Kurti i ka siguruar mbështetje të plotë kryetarit të Komunës së Mitrovicës së Veriut, Erden Atiq, nga qeveria qendrore për kërkesat dhe projektet e komunës për zhvillimin ekonomik lokal e shërbimet ndaj qytetarëve.
Atiq bashkë me nënkryetaren e komunës, Katarina Adançiq, kanë shkuar në Zyrën e Kryeministrit të martën ku takuan Kurti dhe ministrin e Administrimit të Pushtetit Lokal, Elbert Krasniqi, njoftoi ZKM.
“Kryetari Atiq e njoftoi kryeministrin se së bashku me ekipin e tij janë duke punuar çdo ditë me intensitet të lartë për të propozuar dhe realizuar projekte që përmirësojnë mirëqenien e qytetarëve dhe shërbimet ndaj tyre”, thuhet në komunikatë.
Në fund të komunikatës, Kryeministria ka deklaruar se Komuna e Mitrovicës Veriore, “është e hapur dhe transparente, drejtorët komunalë janë përzgjedhur për të përfaqësuar frymën multietnike dhe bashkërisht po punojnë me përkushtim, pa përjashtim dhe me profesionalizëm”.
-
Kurti përgëzon udhëheqësit e Mitrovicës së Veriut për përmirësim të shërbimeve për qytetarët
-
Bashkëpunimi mes Qeverisë e komunave, temë diskutimi e Kurtit me Hamzën dhe Atiqin
-
Betohet kryetari i ri i Mitrovicës së Veriut, Serbia paralajmëron pasoja
-
Atiq: Do të punojmë për të gjithë qytetarët, pa dallim e diskriminim
-
Ministria e Bujqësisë hap zyrën në Mitrovicë të Veriut