Dje nga njësitet policore të Lipjanit, janë arrestuar dy persona të cilët dyshohet të kenë kryer disa grabitje.
Policia thotë se ka qenë grumbullimi i shpejtë i informacioneve në rrugë operative si dhe zgjerimi i horizontit të hetimeve ai që u ka mundësuar hetuesve policorë të Lipjanit që, lidhur me disa raste të grabitjeve, të identifikojnë dhe të arrestojnë dy persona të dyshuar.
Të arrestuarit janë R. S, mashkull, 17 vjeç, shtetas i Kosovës dhe F. S, femër, 22 vjeçe, po ashtu shtetase e Kosovës.
“Gjithashtu pjesë e aksionit policor ka qenë edhe kontrollimi i një lokacioni ku policia ka gjetur dhe sekuestruar gjësende që dyshohet të jenë raportuara si të grabitura”, ka njoftuar Policia e Kosovës nga Rajoni i Prishtinës.
Personat e dyshuar, me urdhër të Prokurorit të shtetit, janë dërguar në qendrën e mbajtjes, ndërkohë që hetuesit policorë po kryejnë veprimet e nevojshme procedurale para se rasti të procedohet më tej.
