Sot, në mjediset e Kuvendit të Republikës së Kosovës, drejtuesi i Grupit Parlamentar të Vetëvendosjes, Glauk Konjufca, deputetja Albulena Haxhiu, Besa Baftiu, kryetare e Komisionit për Shëndetësi, Punë dhe Mirëqenie Sociale, Ismajl Kurteshi, kryetar i Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi, takuan Nataliya Apostolova, Përfaqësuese speciale e Zyrës së Bashkimit Evropian në Prishtinë.
Në këtë takim, siç ka bërë të ditur deputetja Albulena Haxhiu në Facebookun e saj, u bisedua për agjendën e Grupit parlamentar të Lëvizjes Vetëvendosje dhe për prioritetet e kryetarëve të Komisioneve parlamentare që do të udhëhiqen nga deputetët e Vetëvendosjes, transmeton Koha.net.
Mosnjohja e pavarësisë së Kosovës nga pesë shtetet e BE-së, raporti i progresit për Kosovën, mosfunksionimi i Kuvendit, varësia e Qeverisë nga Lista “Srpska” dhe bllokada e saj për themelimin e ushtrisë, mungesa e parashikimit të ligjit antimafia dhe konfiskimit të pasurisë së paligjshme, ishin disa nga shumë çështje që ngritëm si delegacion i Lëvizjes Vetëvendosje.
Ndërsa Ambasadorja Apostolova, shpalosi prioritetet e BE-së dhe reformat prioritare të cilat burojnë nga agjenda evropiane lidhur me Kosovën, duke e theksuar veçanërisht rëndësinë e Komisionit për legjislacionin dhe mbikëqyrjen e Agjencisë kundër korrupsionit.
“Delegacioni jonë rishprehu gatishmërinë e Lëvizjes Vetëvendosje për bashkëpunim me Zyrën e Bashkimit Evropian në Prishtinë në drejtim të jetësimit të agjendës evropiane për Republikën e Kosovës”, ka shkruar Haxhiu.
-
Apostolova takon shefat e grupeve dhe komisioneve parlamentare
-
Haxhiu kërkon avancimin e Kosovës drejt statusit të vendit kandidat për anëtarësim në BE
-
Haxhiu: Është përgjegjësi e të gjithë deputetëve që të marrin pjesë në votim
-
VV-ja s’heq dorë nga emri i Haxhiut për kryeparlamentare
-
Haxhiu takon Apostolovën, thotë se do të fuqizohet plan-veprimi i përbashkët për reformën në drejtësi