Gjykata e Apelit ia ka ulur dënimin Tom Dodajt në tri vjet burgim, i cili shiti armën me të cilën dyshohet se u vra Liridona Ademaj në nëntor të vitit 2023.
Themelorja e pati dënuar Dodajn me pesë vjet burgim dhe gjobë pesë mijë euro për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPor në një vendim të mërkurën, Apeli ia ka ulur dënimin në tri vjet dhe gjobë prej tre mijë euro.
Dodajt do t’i llogaritet edhe koha e kaluar në paraburgim nga 9 dhjetori i 2023-s deri më 17 prill të 2024-s.
“Në pjesët e tjera aktgjykimi mbetet i paprekur”, thuhet në vendim.
Dodaj ia shiti armën Naim Murselit e Granit Plavës për 280 euro, dhe e cila armë dyshohet se u përdor më pas për vrasjen e Ademajt.
Dodaj e kishte pranuar fajësinë dhe pati kërkuar falje për rastin, duke thënë se nuk ka qenë në dijeni se arma do të përdorej për vrasje.
Për vrasjen e Liridona Ademajt akuzohen bashkëshorti i saj, Naim Murseli, si dhe Granit Plava si ekzekutor e Kushtrim Kokalla.