Ambasadori i Shteteve të Bashkuara të Amerikës, Jeffrey Hovenier, ka uruar muajin e Ramazanit për besimtarët myslimanë.
Përmes një postimi në platformën X, Hovenieri ka thënë se shpreson që ky muaj të sjellë paqe dhe begati.
“Me rastin e Ramazanit, ju uroj të gjithëve që e kremtojnë muajin e shenjtë në Kosovë dhe në mbarë botën. Uroj që ky muaj t'ju sjellë dritë, paqe dhe begati”, ka shkruar ai.
On the occasion of Ramadan, I extend warm wishes to all observing the holy month in Kosovo and around the world. May this month bring you light, peace, and prosperity. #RamadanKareem pic.twitter.com/IQm4jbANyC
— Ambassador Jeff Hovenier (@USAmbKosovo) March 10, 2024
Këtë vit, muaji i Ramazanit do të nisë më 11 mars, megjithatë data e nisjes ndryshon në disa shtete, varësisht nga vëzhgimet pamore të Hënës së re.
