Kryetari i Komunës së Ferizajt, Agim Aliu, ka kërkuar nga qytetarët e kësaj komune që të respektojnë masat e institucioneve shëndetësore për parandalimin e përhapjes së koronavirusit të ri, pavarësisht se tashmë kanë dalë nga karantina.
Ai në një postim në Facebook ka thënë se rrugët me qarkullim të shtuar të veturave, shëtitjet me biçikleta dhe daljet e panevojshme rrezikojnë një shpërthim të ri masiv të virusit.
“Ju lutemi, mos e ktheni në zero përpjekjen e profesionistëve, ekipeve emergjente që ta kalojmë pa pasoja fatale këtë pandemi. Respektoni orarin e qarkullimit sipas ndarjes kohore në bazë të numrit personal në letërnjoftim, mbani distancën fizike e kujdesin për higjienën personale, mos lejoni që Ferizaj tash kur është në majën e komunave me numrin më të lartë të të shëruarve të kthehet në burim masiv infeksioni nga ky virus”, ka shkruar Aliu.
Ferizaj ka numrin më të madh të të infektuarve me koronavirus, gjithsej 98, prej tyre dy të vdekur.
-
72 nga 100 të infektuarit në Ferizaj tashmë janë shëruar
-
Reagon kryetari i Ferizajt pas sulmit me thikë me 4 të plagosur
-
Aliu shpreh ngushëllime për vdekjen e katër personave nga aksidenti në rrugën Ferizaj-Shtime
-
Aliu e ndalon përdorimin e veturave zyrtare jashtë orarit
-
Haziri bën thirrje për respektim të masave pas rritjes së rasteve me koronavirus në Gjilan