Kryetari i Prishtinës, Shpend Ahmeti, sërish është ankuar në masat e marra nga Qeveria e Kosovës për ta luftuar koronavirusit, më saktësisht në klasifikimin e rrezikshmërisë së qyteteve.
“Sot Prishtina 273 raste të reja e zero vdekje nga Covidi! Prizreni 29 raste të reja e tri raste të vdekjes. A thua Covidi i Prizrenit më i rrezikshëm? Natyrisht se jo. Ka të bëjë me numrin e testeve. Prandaj masat janë të bazuara në numra që s’kanë kuptim”, ka shkruar Ahmeti në Facebook.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi ka thënë se sipas shifrave mund të duket se po ulet numri i të infektuarve, por ka treguar se me përqindje nuk del ashtu.
Ai ka treguar se bazuar në mostrat e testuara e rastet pozitive, del se shifra e sotme është 41.5 për qind, pra shifra mbi 40 për qind ka mbizotëruar në pesë ditët e fundit.
“Pra 40 për qind pozitivë është tepër shifër e lartë. Dhe nuk po bie. Pasojat e masave të gabuara janë të mëdha. Jo për qytetet në zonën e kuqe, por për ato në zonën e verdhë dhe të gjelbër. Thuhet se nuk kanë raste për shkak se numrin e testeve e kanë të vogël. Ndërsa ata sillen pa restrikcione dhe qytetarët mendojnë se janë të sigurt”, ka shkruar Ahmeti.