Të gjithë mjekët që kanë punuar si menaxherë në Qendrën Klinike Universitare të Kosovës dhe në spitalet rajonale pas rastit “Stenta” janë larguar nga pozitat menaxheriale.
Rasti “Stenta” i përfshin këta ish-menaxherë në akuza për korrupsion, shkruan sot Koha Ditore.
Ahmet Asllani, drejtor i Spitalit të Gjakovës, është i vetmi menaxher që vazhdon të jetë në pozitë drejtuese, edhe pse ka aktakuzë.
Madje, seanca e planifikuar për të hënën që kaloi nuk ishte mbajtur me arsyetimin se drejtori Asllani ka pritur në vizitë ministrin e Shëndetësisë, Uran Ismaili, dhe për këtë arsye ai ka kërkuar nga gjykata që të shtyhet gjykimi.
I kontaktuar nga gazeta, drejtori i Spitalit të Gjakovës, Ahmet Asllani, ka thënë se përderisa e ndien veten të pafajshëm në këtë rast nuk ka arsye që të japë dorëheqje. (Artikullin e plotë mund ta lexoni në numrin e sotëm të Kohës Ditore)
-
Dy zyrtarë të ShSKUK-së të dënuar për korrupsion
-
Për 2 vjet gjykim, “Stenta 3” ende në pritje të seancës së parë
-
Konfirmohet aktakuza ndaj 46 mjekëve në rastin “Stenta”
-
Proceset që dëmtuan sistemin shëndetësor në Kosovë
-
Aktakuzë ndaj një zyrtari të Spitalit në Gjakovë, mori pagë për katër vjet pa u paraqitur në punë