Asociacioni i Gazetarëve të Kosovës (AGK) është shprehur i shqetësuar pas denoncimit të gazetarit të Euronews Albania, Kosovë Gjoci, për pengimin në punë nga mbrojtja e afërt e kryeministrit të Kosovës, Albin Kurti, si dhe pengimin në përpjekjet për t’i bërë pyetje ministres Rizvanolli, e gazetares së Periskopit, Besarta Hoti.
“Gjoci ka njoftuar se dy individë nga mbrojtja e kanë penguar në punë – njëri e ka shtyrë duke ia dëmtuar pajisjet, kurse tjetri e ka kërcënuar me fjalët ‘këqyrem mirë në sy e mbajmë në mend’. Sipas gazetarit Gjoci, kryeministri Kurti e ka parë skenën dhe nuk ka reaguar, që e bën rastin edhe më të rëndë. Ngjashëm, para disa ditësh gazetarja e Periskopit, Besarta Hoti, u pengua në përpjekjet për të bërë pyetje për Ministren e Ekonomisë, Artane Rizvanolli”, thuhet në reagimin e AGK-së.
AGK-ja, i konsideron këto veprime të papranueshme dhe i “bën thirrje Qeverisë dhe dikastereve të saj të mundësojnë kushte elementare të punës për gazetarët kur raportojnë dhe kërkojnë përgjigje nga anëtarë të ekzekutivit”.
-
Gutierrez: Kurti nuk e njeh klimën armiqësore ndaj gazetarëve, e justifikon atë
-
AGK-ja i bën thirrje Osmanit të heqë dorë nga sulmet ndaj gazetarëve
-
AGK-ja e dënon gjuhën e Kurtit ndaj mediave, e quan sulm të papranueshëm
-
AGK-ja dënon gjuhën e Kurtit ndaj mediave
-
AGK-ja kërkon nga Policia ta hetojë sjelljen e mbrojtjes së afërt të Kurtit ndaj gazetares Dalloshi