Komuna e Deçanit këtë verë nuk do të jetë e hapur përtej orarit të zakonshëm të punës pasi, sipas drejtuesve të kësaj komune, deri tashti nuk ka kërkesa për zgjatje të orarit, pavarësisht numrit të madh të mërgimtarëve të ardhur në pushime.
Kryetari i Komunës, Bashkim Ramosaj, ka bërë të ditur se tashmë janë krijuar kushtet shumë më të mira për punë në administratën komunale në Deçan dhe deri tashti, sipas tij, nuk është parë e nevojshme zgjatja e orarit të punës gjatë sezonit veror, sikurse ka ndodhur vite më parë, shkruan sot Koha Ditore.
Por nëse do të ketë kërkesa, sipas kreut të Komunës, dyert e administratës do të hapen për mërgimtarët edhe ditëve të vikendit. “Si administratë jemi të gatshëm të jemi pranë qytetarëve, sidomos në ketë sezon pranë bashkatdhetarëve”, është shprehur Ramosaj.
(Më shumë lexoni sot në Koha Ditore)
-
Ramosaj synon mandatin e tretë për kryetar të Deçanit, premton zhvillim të hovshëm e turizëm modern
-
Kurti: Në Deçan na duhet një kryetar që s’bën ankesa, por kërkesa
-
Ramosaj synon mandatin e tretë në Deçan: Prioritet zhvillimi ekonomik e infrastruktura
-
Kryetarët e komunave në veri iu ankohen ambasadave edhe për “kontrollin nga Qeveria”
-
Punonjësit e ndërtimtarisë në punishte edhe në ditë përvëluese