Administrata “arkivon” dokumentet në korridore të Komunës së Ferizajt

Ferizaj, 26 korrik –Ferizaj, që nga paslufta përballet me mungesë të hapësirës për arkivimin e dokumentacionit.

Komuna disa herë ka tentuar që dokumentet e arkivuara t’i bartte nëpër disa zyra të improvizuara dhe në objektin e Arkivit Historik, mirëpo shkaku i numrit të madh të lëndëve të ndryshme vazhdimisht ka munguar hapësira e mjaftueshme.

Një pjesë e madhe e dokumentacioneve tashmë kanë zënë hapësirën nëpër korridore të objektit të Komunës.

Ndërkohë që këto ditë, Komuna planifikon t’i fuqizojë përpjekjet për t’ia bërë një zgjidhje dokumentacionit të arkivuar.

Një nga alternativat e Komunës është që arkivin ta bartë në objektin e ish- Gjykatës së kundërvajtjes, derisa njëkohësisht në këtë objekt planifikohet të emërohet si “Arkivi i kujtesës” (gjerësisht, sot në “Kohën Ditore”).