Kryetari i Lidhjes Demokratike të Kosovës, Lumir Abdixhiku, tha se takimi sot me presidenten Vjosa Osmani është vetëm për zgjedhjet lokale.
Deputetja e Lëvizjes Vetëvendosje, Albulena Haxhiu nuk e ka përjashtuar mundësinë që vendi të shkojë në zgjedhje sërish, në të njëjtën kohë me zgjedhjet lokale.
Por, Abdixhiku tha se në takim me Osmanin do të diskutohet vetëm data e zgjedhjeve lokale.
“Do të caktohet data e zgjedhjeve lokale, kjo është tema... Vetëm për [zgjedhje] lokale do të jetë [takimi] ”, ka thënë Abdixhiku.
Presidentja Osmani do t’i presë sot partitë politike për konsultime për datën e zgjedhjeve lokale. Takimi do të nisë nga ora 14:00. /KSP
