Ambasadori i Mbretërisë së Bashkuar në Kosovë, Nicholas Abbott, i ka quajtur të papranueshme kërcënimet që po u bëhen policëve të rinj serb në Kosovë.
72 policë të rinj nga radhët e komunitetet joshumicë kanë nisur punën në fillim të kësaj jave në veri të vendit. 45 nga këta policë janë nga komuniteti serb. Por vetëm pak kohë pas nisjes së detyrës, ndaj tyre nisi një fushatë linçuese nga përdorues serbë të rrjeteve sociale. Ndaj fushatës linçuese kanë reaguar krerët institucionalë e ndërkombëtarë.
Abbotti u është bashkuar reagimeve të mërkurën pasdite.
“I ndaj plotësisht këto shqetësime. Është e rëndësishme që Policia e Kosovës të reflektojë diversitetin e Kosovës dhe të jetë në gjendje t’u shërbejë të gjitha komuniteteve. Frikësimet dhe kërcënimet ndaj atyre që duan të kontribuojnë për shtetin e tyre, janë të papranueshme”, ka shkruar ai duke shpërndarë reagimin e shefit të EULEX-it, që reagoi një ditë më parë.
-
Vazhdon fushata linçuese ndaj policëve serbë të Kosovës
-
Përfaqësues vendorë e ndërkombëtarë dënojnë frikësimin e policëve të rinj serbë
-
Hovenier: Të papranueshme frikësimet ndaj policëve të rinj
-
Rohde: Linçimet ndaj policëve të rinj serbë të ndalen menjëherë
-
Shefi i EULEX-it i quan të papranueshme linçimet ndaj policëve të rinj serbë