AAK-ja distancohet nga legalizimi i martesës së gjinisë së njëjtë, arsyetohet me elektorat

Grupi parlamentar i AAK-së do të votojë kundër miratimit në parim të Kodit Civil që pritet të dalë në votim të enjten.

Në këtë kod është neni që i hapë rrugë hartimit të një ligji të veçantë për lejimin e “bashkësive civile” ndërmjet personave të gjinisë së njëjtë.

“Grupi parlamentar i AAK-së do të votojë kundër miratimit në parim të Kodit Civil, i cili përmban edhe pjesën sipas së cilës do të lejoheshin martesat brenda së të njëjtës gjini”, thuhet në komunikatën e partisë.

E arsyetimi i kësaj partie ka qenë elektorati.

“Si përfaqësues të popullit dhe pas kërkesave të shumta që kemi marrë nga elektorati ynë, miratimi i një baze të tillë ligjore, vlerësohet i parakohshëm”, thuhet tutje.

Edhe Arbëri 2 tet 2024 Kadiri: Deklaratat e deputetëve kundër Kodit Civil po nxisin urrejtje te popullata

Në kundërshtim të tij kanë dalë edhe përfaqësuesit e bashkësive fetare në Kosovë. Katër përfaqësues kanë nënshkruar deklaratë të përbashkët dhe ftuan që “të ruhen vlerat tradicionale të familjes”.