7 vjet punime të papërfunduara në platenë e “Kurrizit”

Me çadër mbi kokë kalojnë edhe gjatë kohës që janë nën strehë.

Qytetarët që frekuentojnë pjesën e nën “Kurrizit” këtë gjë e bëjnë pasi çatia pikon pothuajse nga fillimi deri në mbarim.

Megjithëse pjesa e xhamit është rinovuar viteve të fundit, për pronarët e lokaleve dhe për qytetarët nuk është gjetur një zgjidhje.

Naim Sadiku, i cili është edhe pronar i një dyqani të këpucëve, thotë se përkundër rinovimit gjendja e kësaj pjesë nuk është përmirësuar fare.

Të njëjtin mendim e kanë edhe qytetarët. Sipas tyre, në përgjithësi punimet në Prishtinë po bëhen shkel e shko.

Edhe Arbëri 3 kor 2025 6 ditë pas përurimit, tuneli i Kurrizit i mbyllur shkaku i punimeve të papërfunduara

Ndërtimi i platesë së Kurrizit kanë nisur në vitin 2015, duke e karakterizuar me vonesa e ndërprerje të punimeve herë pas here.

Edhe pas 6 vjetëve, jo të gjitha punët e parapara kanë përfunduar.

Nga kompania përgjegjëse e këtyre punimeve “Rexha Group” thonë se kanë probleme me banorët dhe i është lënë Komunës së Prishtinës që t’i zgjidhë ato.

“Ende nuk janë kryer punimet. Punimet është dashur të vazhdojnë edhe te një pjesë e parkut, por është ndalur, sepse nuk po na lejojnë banorët. Derisa komuna të zgjidhë problemin, ato nuk do vazhdojnë”, thuhet nga “Rexha Group”.

Në anën tjetër, Komuna e Prishtinës thotë se kanë kërkuar tërheqjen e sigurimit të garancionit të ekzekutimit të punimeve të kontratës në fjalë.

Sipas tyre, pjesa tjetër e punimeve që nuk ka përfunduar do të trajtohet me procedurë shtesë të prokurimit.

Edhe Arbëri 12 pri 2025 Banorët ankohen për zvarritje punimesh në qendër të Prishtinës

“Ndërtimi i Bulevardit mbi platenë e kurrizit është ndërprerë dhe nga zyra e prokurimit si autoritet kontraktues, kemi kërkuar tërheqjen e sigurimit të garancionit të ekzekutimit të punimeve të kontratës në fjalë. Pjesa tjetër e punimeve, të cilat nuk janë përfunduar e që parashihen në projektin e rivitalizimit të platesë së kurrizit, do të trajtohen me procedurë shtesë të prokurimit”, thuhet nga Komuna e Prishtinës.

Fontana, ashensorët, ndriçimi publik janë disa nga punët që kanë mbetur pa përfunduar nga ky projekt.