Në Shqipëri në 24 orët e fundit janë regjistruar pesë të vdekur si pasojë e COVID-19. Është numër më i ulët se të martën kur u raportua për tetë të vdekur.
Mirëpo, shifra e të infektuarve vazhdon të jetë mjaft e lartë.
Siç ka njoftuar Ministria e Shëndetësisë e Shqipërisë gjatë 24 orëve të fundit kanë rezultuar pozitivë 672 qytetarë nga testimi i 4050 mostrave. Ndërkohë janë shëruar 494.
Që nga fillimi i pandemisë, në Shqipëri kanë rezultuar pozitivë me koronavirus 183.282 qytetarë, prej tyre 2893 kanë përfunduar me fatalitet. Janë shëruar 172.958, ndërsa janë 7431 raste aktive.
