Nga 1 marsi një pjesë e Policisë së Kosovës do të stacionohen në objektin që deri para pak muajve ka punuar si hotel.
Kontrata e nënshkruar me AKP-në për një vit dhe me mundësi vazhdimi do t’i kushtojë policisë 60 mijë euro.
Ka shumë kohë të gjatë që është përfolur largimi i policisë nga stacioni jugor 4 i Prishtinës.
Objektit që ishte nën menaxhim të pronarit të Kosova Petrolit, Bedri Selmani, i kanë mbetur vetëm muret.
Orenditë e brendshme, sipas AKP-së, janë marrë nga menaxhmenti i deriatëhershëm i hotelit.
Një pjesë e objektit para pak kohësh i është dhënë në shfrytëzim Federatës së Futbollit të Kosovës.
