Greqia do të abstenojë gjatë votimit të 16 majit në Këshillin e Ministrave të Asamblesë Parlamentare të Këshillit të Evropës dhe nuk do të mbështesë kërkesën që Kosova t'i bashkohet këtij organi, ka thënë të shtunën ministri i Jashtëm grek, Giorgos Gerapetritis.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Siç kemi bërë në raste të ngjashme në të kaluarën, Greqia do të abstenojë nga votimi, me fjalë të tjera, nuk do ta mbështesë kërkesën e Kosovës për anëtarësim në Këshillin e Evropës”, ka thënë Gerapetritis, transmeton “Kanaliena”.
Ai shtoi se “disa nga çështjet thelbësore ende nuk janë zgjidhur, mbi të gjitha themelimi i Asociacionit”.
“Prandaj, politika jonë bazë nuk ka ndryshuar. Greqia i përmbahet një politike të jashtme parimore. Ne nuk e ndryshojmë mendimin tonë derisa të ndryshojnë faktet mbi të cilat merren vendimet. Ne inkurajojmë dialogun ndërmjet Prishtinës dhe Beogradit, duam zgjidhje paqësore të mosmarrëveshjeve”, ka shtuar ministri i Jashtëm.
Asambleja Parlamentare e Këshillit të Evropës miratoi rekomandimin që Kosova të ftohet të bëhet anëtare e Këshillit të Evropës para pak ditësh. Për këtë vendim votuan pro 131 deputetë, kundër 29, abstenuan 11. Katër nga pesë deputetët grekë gjithashtu votuan pro.