Kryeministrja e Italisë, Giorgia Meloni, ka thënë se integrimi i Ballkanit Perëndimor në Bashkimin Evropian është thelbësor.
Meloni gjatë vizitës në Beograd të dielën, ku u takua me presidentin e Serbisë, Aleksandar Vuçiq, i ka bërë thirrje Serbisë që të ketë qasje konstruktive në dialog me Kosovën.
“Integrimi i Ballkanit Perëndimor në BE është thelbësor, Serbia duhet të vazhdojë të ketë qasje konstruktive në dialogun me Kosovën. Por, ka shumë çështje të tjera për të cilat njerëzit pragmatikë mund të bashkëpunojnë dhe sakrifikojnë”, ka thënë Meloni, transmeton agjencia italiane e lajmeve “ANSA”.
