Arbëri

Kurti në Javën e Krenarisë: Liria për të dashur është e drejtë universale

Me moton “T’du qashtu qysh je!”, është bërë hapja zyrtare e Javës së Krenarisë, që organizohet nën patronimin e Zyrës për Qeverisje të Mirë, të Drejta të Njeriut, Mundësi të Barabarta dhe Kundër Diskriminimit – Zyra e Kryeministrit , raporton Ekonomia Online.

Kryeministri Albin Kurti, tha se dashuria është fuqi unifikuese, e cila nuk mund të arrihet nëse nuk ka liri.

“Në fillimin e Javës së Krenarisë kujtojmë që liria për të dashur është një drejtë universale. Duke e pasur parasysh këtë, dashuria është një fuqi unifikuese. Dashuria është kusht i lirisë, ajo mund të arrihet vetëm duke pasur liri ... Pa të dashuria është e mangët dhe e vuajtur. Këtë vit Java e Krenarisë po shënohet edhe me ngjarjet e rëndësishme të historisë sonë. Unë iu përgëzoj që Java e Krenarisë është përqendruar te dashuria. Mendoj se më shumë se kaq dhe më mirë se kaq nuk ka qenë e mundur”, ka theksuar Kurti.

Presidentja Vjosa Osmani tha se Kosova ka bërë përparime sa i përket respektimit të të drejtave të komunitetit LGBTI.

Ndonëse tha se këta persona janë shënjestër e dhunës, ajo pohoi se ka ende punë për të bërë në këtë drejtim.

“Është nder që edhe këtë vit të e hapim Javën e Krenarisë, mundësi e shkëlqyer për të adresuar sfidat me të cilat përballën personat e komunitet LGBTI. Përgjatë vitit që lamë pas kam pasur mundësuar të bisedojë me secilin nga ju për të biseduar për sfidat me të cilat përballeni ... orientimi seksual nuk është për ta nënçmuar tjetrin. Kosova ka bërë përparime sa i përket komunitetit LGBTI. Në këtë rrugë drejtë barazisë së plotë kemi shumë punë për të bërë. Personat e LGBTI janë shënjestër e dhunës”, ka theksuar Osmani.

Blert Morina, drejtor ekzekutiv në “Qendrën për Barazi dhe Liri”, tha se në emër të komunitetit që përfaqëson çdo ditë është duke kërkuar liri.

Ai me këtë rast ka kërkuar që të miratohet Kodi Civil që lejon martesën e të njëjtës gjini.

“Unë edhe sot jam midis jush duke kërkuar liri. Sot do të përqendrohem në gjërat që do të kërkojmë liri. Ligjet janë të pa lira. Deputet dhe deputetë janë agjent të kësaj pa lirie. Të drejtat tona nuk njihen. Një vit më parë u vendos draft Kodi Civil, që do ta hapte rrugën për martesat e të njëjtës gjini. Na thanë e çka s’na thanë, se shkatërrojmë familje”, theksoi Morina.

Ai ka thënë se ata nuk e kërcënojnë shëndetin publik. “Ne e po e kërcënuakam edhe traditën. E kërcënojmë shëndetin publik, jo të nderuar. Ecim përpara me dijen që asgjë nuk mund të na ndaloj. Sot e kërkojmë lirin si qytetar të këtij vendi. Sot kërkojmë nga ju siç kemi kërkuara në vazhdimësi thjeshtë të bëni punën tuaj”, tha Morina.

Ambasadori i Shteteve të Bashkuara në Republikën e Kosovës, Jeffrey Hovenier, tha se e inkurajojnë Kosovë që të vazhdojë përpjekjet e saj për të punuar për të drejta e komunitetit LGBTI.

“Krenari nuk është vetëm krenari e diversitet. Duhet të vëmë në pah se lufta për të drejta universale është luftë e vazhdueshëm. Të drejta e LGBTI janë të drejtat e njeriut. E nxisim Kosovë që t’i vazhdojë përpjekjet e saj për të drejtat e LGBT+. Një grua 85-vjeçare e cila e ka një djalë gay, ajo tha je i sjellshëm, duajeni njëri-tjetrin ashtu siç jeni”, tha ai.

Frank Power, nga Këshilli i Evropës në Prishtinë, tha se heshtja para padrejtësisë është pajtim ndaj agresionit.

“Nuk do të thotë që situata për popullatën LGBTI+ në Kosovë nuk është aq e lehtë. Shohim çdo ditë shembuj të gjuhës së urrejtjes ndaj komunitetit LGBTI+, heshtja para padrejtësisë është pajtim ndaj agresionit, por ende ka shumë punë për t’u bërë”, tha ai.

Java ka për qëllim mbështetjen dhe promovimin e diversitetit dhe barazisë për komunitetin LGBTI në Republikën e Kosovë. Ceremonia e hapjes së Javës së Krenarisë/Paradës së Krenarisë në Kosovë do t’i paraprinë realizimit të aktiviteteve tjera në kuadër të Javës së Krenarisë. / EO