Bastisje në KEK

Policia e Kosovës ka kryer bastisje në zyrat qendrore të Korporatës Energjetike të Kosovës në Prishtinë, ka mësuar KOHA. Mësohet se bastisja po bëhet në zyrën e drejtorit të KEK-ut, Nagip Krasniqi.

Sipas burimeve, arsye për bastisje është një kontratë për renovimin e kaldajave në bllokun A5 të Termocentralit “Kosova A”, për një kontratë të konsulencës e për një tjetër kontratë me KEDS-in.

Burimet kanë thënë po ashtu se në këtë rast priten edhe arrestime.

KOHA ka dërguar pyetje në drejtim të Policisë, por deri në publikimin e artikullit s’ka marrë përgjigje.

Në KEK kanë qenë të paqasshëm në thirrjet e telefonit.

Edhe Arbëri 2 muaj më parë Prokuroria autorizon Policinë për të hetuar ndotjen nga KEK-u

Nga: Saranda Ramaj

{gallery}