SHBA-ja e Gjermania dënojnë djegien e veturave në veri
Ambasadori i SHBA-së në Kosovë, Jeffrey Hovenier, ka thënë se SHBA-ja vazhdimisht ka dënuar djegien e veturave në veri të Kosovës. Hovenier ka thënë se është përgjegjësi e Qeverisë së Kosovës që të mbrojë qytetarët.
“SHBA-ja vazhdimisht ka dënuar djegiet kriminale të veturave në veri të Kosovës. Qeveria e Kosovës ka përgjegjësi të mbrojë qytetarët e saj dhe të sigurojë llogaridhënien për këto veprime kriminale”, tha Hovenier në Twitter.
The U.S. has consistently condemned the criminal burning of vehicles in the north of Kosovo. The Government of Kosovo has a responsibility to protect its citizens and ensure accountability for these criminal acts.
— Ambassador Jeff Hovenier (@USAmbKosovo) April 2, 2023
Ndërkohë ambasadori i Gjermanisë në Kosovë, Jorn Rohde, e ka parë shqetësuese që Lista Serbe sërish nuk ka dënuar djegien e veturave. Në vend të kësaj Lista Serbe ka paralajmëruar “kryengritje” pas arrestimit të një qytetari serb M.B. nga Policia e Kosovës të shtunën të dyshuar për djegien e veturave dhe sulmin ndaj Policisë së Kosovës.
“Shumë shqetësuese që Lista Serbe sërish nuk ka dënuar djegien e veturave të qytetarëve. Të gjithë duhet të bashkohen për ta dënuar këtë praktikë”, shkroi Rohde në Twitter.
Why? Very worrying that the SL again has not condemned the arson attacks on citizens’ vehicles. All have to be united in condemning this practice.
— Ambassador Jörn Rohde (@GermanAmbKOS) April 2, 2023
