35 të burgosur në Dubravë pranojnë certifikata për aftësim profesional

Të paktën 35 të burgosur në Qendrën Korrektuese të Dubravës kanë pranuar certifikata për aftësim profesional të hënën.

Aftësimi përfshinë sektorin e ndërtimtarisë, automekanik e instalues të ngrohjes dhe pritet t’u ndihmojë të burgosurit të integrohen më lehtë në tregun e punës pas lirimit.

Ministria e Drejtësisë ka njoftuar se certifikatat e aftësimit profesional do t’u ofrojnë të burgosurve mundësi për një të ardhme më të mirë dhe do të ndihmojnë në zvogëlimin e ndikimit të krimit në shoqëri.

Ato janë ndarë nga ministrja e Drejtësisë, Albulena Haxhiu, dhe zëvendësuesi i drejtorit të përgjithshëm të Shërbimit Korrektues të Kosovës, Ismail Dibrani.

“Kjo përpjekje për të ofruar mundësi për të përfituar njohuri dhe aftësi të reja është një hap drejt ri integrimit të tyre në shoqëri dhe një kontribut i rëndësishëm për të shmangur përsëritjen e veprave penale”, thuhet në njoftimin e Ministrisë së Drejtësisë.