Arbëri

I dyshuari kërcënon viktimën me publikim të fotos së dhunimit, gjykata e dënon me gjobë me këste

Aktgjykimet publike të anonimizuara, që kohë me parë i ka bërë publike Këshilli Gjyqësor i Kosovës, dëshmojnë jo veç dënimet e ulëta, por edhe shpërfilljen e gjyqësorit karshi tyre.

 

Një pjesë e madhe e grave dhe vajzave të dhunuara në Kosovë presin rreth një dekadë që dhunuesi të dënohet. E, dënimet shpeshherë janë të buta. Një grua e re dyshohet që është dhunuar në vitin 2017. Përderisa ende drejtësia nuk ka vendosur për këtë rast, i dyshuari e ka kërcënuar këtë grua që fotot e videot e saj do t’ua tregojë njerëzve të tjerë. Për shantazh është dënuar e para. Një tjetër dhunues e kishte dhunuar një grua, dhe e kishte lënduar me thikë. U dënua me 1 vit. Një grua tjetër ishte dhunuar në vazhdimësi nën kërcënimin se do t’ia vriste vëllezërit e babanë – u dënua një vit me kusht

Aktgjykimet publike të anonimizuara, që kohë me parë i ka bërë publike Këshilli Gjyqësor i Kosovës, dëshmojnë jo veç dënimet e ulëta, por edhe shpërfilljen e gjyqësorit karshi tyre.

KOHA ka analizuar disa të tilla. Dhunuesit e vajzave dhe grave rrallë përfundojnë në burg. Shpeshherë dënohen me gjobë e gjyqtarët ua mundësojnë që pagesën ta bëjnë me këste. Problematike është edhe gjuha e gjykimeve.