Reduktimet e energjisë elektrike në disa vende të Kosovës, përfshirë kryeqytetin, kanë nisur të ashpërsohen dhe t’i tejkalojnë oraret e planifikuara nga KEDS-i.

Të martën e të mërkurën, në disa qytete e fshatra, ndalje ka pasur në disa orare dhe për më shumë se dy orë, ndërsa në disa lagje të Prishtinës banorët janë ankuar se ka pasur furnizim me rrymë vetëm 4 orë gjatë ditës.

Para disa ditëve, KEDS-i ka njoftuar se përkeqësimin e situatës me furnizim e ka shkaktuar rënia e njësisë A3, e cila vazhdon të jetë e prishur.

Për përmirësimin e situatës dhe eliminimin e mundshëm të reduktimeve nuk janë deklaruar në KEK e KEDS, si dhe as nga dikasteret qeveritare të linjës.