Ambasadori i Britanisë në Kosovë, Nicholas Abbott, ka shprehur zhgënjimin e tij për mosmiratimin e Projektkodit Civil në seancën e së mërkurës në Kuvend.
Abbott përmes Twitterit ka shkruar se është e rëndësishme të respektohen të drejtat e njeriut, përfshirë edhe të atyre LGBTI+.
“Shumë i zhgënjyer që Kodi Civil nuk u miratua dje. Është e rëndësishme që gjuha, në Kod dhe në debat, të respektojë të drejtat e njeriut të të gjithë kosovarëve, përfshirë LGBTI+, në përputhje me Kushtetutën”, ka shkruar Abbott në Twitter.
Për mosmiratimin e Projektkodit Civil, reagoi dje edhe shefi i Zyrës së Bashkimit Evropian në Kosovë, Tomas Szunyog.
Projektkodi Civil dështoi të miratohej në seancën e djeshme të Kuvendit, pasi mori vetëm 28 vota pro, katër abstenime e 29 kundër. Në këtë Projektkod përfshihet edhe bashkësia civile mes gjinive të njëjta.
Very disappointed that the Civil Code was not passed yesterday. Important that language, in the Code and in the debate, respects the human rights of all Kosovans, including LGBTI+ people, in line with the Constitution.
— Nicholas Abbott (@nickabbottfcdo) March 17, 2022
