Dy pacientë të infektuar me COVID-19, kanë vdekur brenda 24 orëve të fundit në Shqipëri.
Ministria e Shëndetësisë e Shqipërisë njofton se njëri nga viktimat është një 33-vjeçar nga Elbasani, ndërsa rasti tjetër është një 73-vjeçar nga Vlora.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMe dy vdekjet e fundit, numri i viktimave nga COVID-19 në këtë vend ka arritur në tre mijë e 224.
Të dhënat e fundit tregojnë se edhe 801 raste të reja kanë rezultuar pozitive nga gjithsej pesë mijë e 166 mostra të marra për testim.
Shumica prej tyre, përkatësisht 436 raste janë regjistruar vetëm në Tiranë.
Bëhet e ditur se aktualisht 113 pacientë po marrin trajtim në spitalet COVID, nga të cilët 16 janë në gjendje më të rëndë shëndetësore.
Gjatë së njëjtës periudhë kohore janë shëruar edhe 351 të infektuar, duke e çuar numrin e të shëruarve në 201 mijë e 748 që nga fillimi i epidemisë.
Me këtë rast edhe numri i rasteve aktive me koronavirus në këtë vend është rritur në shtatë mijë e 49.