Ministrja e Jashtme e Kosovës, Donika Gërvalla, ka zhvilluar takim me zëvendësndihmës sekretarin amerikan të shtetit për Çështje Evropiane dhe të Euroazisë, Gabriel Escobar.

Gjatë takimit, që u mbajt në margjina të takimit të Komisionit të Partneritetit në nivel ministror të Kartës së SHBA-Adriatik, që po zhvillohet në Zagreb, është biseduar për dialogun mes Kosovës e Serbisë.

Gërvalla ka theksuar se dialogu mund të

“Ministrja Gërvalla ka theksuar se dialogu mund të zhvillohet vetëm mbi bazë të parimeve dhe vlerave të përqafuara nga ShBA-të dhe BE-ja dhe me synim njohjen e ndërsjellë mes shteteve fqinje. Duke folur për forcimin e subjektivitetit ndërkombëtar të Kosovës, Gërvalla e ka falënderuar z.Eskobar për mbështetjen e vazhdueshme dhënë Kosovës në këtë rrafsh si dhe në të gjitha dimensionet e shtetndërtimit”, thuhet nga MPJ-ja e Kosovës.