Arbëri

Fitime milionëshe nga nëntoka e minierave të tjetërsuara

Duke u mbështetur nga komandantë me pushtet, kompania “Fox Marble” është duke fituar miliona euro nga tri gurore graniti e mermeri në Kosovë, ani se ndiqet nga hija e dyshimeve për falsifikim aksionesh. Rexhep Shaqiri thotë se kjo kompani ia përvetësoi biznesin dhe licencat për të tria guroret, nëpërmjet një autorizimi fals që u përdor nga një studio avokature në Prishtinë. Një analizë grafologjike ka konstatuar falsifikimin, e gjykata tek tash ka urdhëruar ndalimin e punëve në guroret që janë edhe në Bursën e Londrës. E, është policia ajo që po e shpërfill urdhrin gjyqësor për ta ndalur punën e kompanisë

 

Duke u mbështetur nga komandantë me pushtet, kompania “Fox Marble” është duke fituar miliona euro nga tri gurore graniti e mermeri në Kosovë, ani se ndiqet nga hija e dyshimeve për falsifikim aksionesh. Rexhep Shaqiri thotë se kjo kompani ia përvetësoi biznesin dhe licencat për të tria guroret, nëpërmjet një autorizimi fals që u përdor nga një studio avokature në Prishtinë. Një analizë grafologjike ka konstatuar falsifikimin, e gjykata tek tash ka urdhëruar ndalimin e punëve në guroret që janë edhe në Bursën e Londrës. E, është policia ajo që po e shpërfill urdhrin gjyqësor për ta ndalur punën e kompanisë

Nga nëntoka e disa kodrave të Kosovës, kompania “Fox Marble” është duke fituar miliona euro, ani se ndiqet nga hija e dyshimeve për falsifikim aksionesh të tri guroreve. Kompania mbështetet nga komandantë që pas lufte morën pushtet.

Të enjten e javës së shkuar në një minierë në Zatriq të Rahovecit nuk po sfidoheshin vetëm temperaturat rekorde përvëluese. Kompania po e sfidonte edhe një urdhër gjyqësor.