-
Nga:
Ilir Osmanaj
- 9 korrik 2021 14:08
- Shpërndaje në:
Në rrugën që kalon pranë Manastirit të Deçanit, KFOR-i ka vendosur barrikada të reja nga të dy anët e rrugës. Barrikadat e reja nga druri dhe me lule janë vendosur në vend të barrikadave të vjetra që kanë qenë nga betoni.
Kryetari i Komunës së Deçanit, Bashkim Ramosaj, ka deklaruar se kanë qenë të njoftuar nga organet e KFOR-it për zëvendësimin e barrikadave dhe kjo është bërë “për zbutjen e pamjes”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne kemi kërkuar që t’i heqim barrikadat sepse qytetarëve të Deçanit dhe qytetarëve tjerë që vijnë në Deçan, ua kujton një gjendje lufte, një gjendje që s’është e mirë për me e pa”, ka thënë Ramosaj për KOHËN.
Ai thotë se ato barrikada nuk janë të nevojshme aty e as nuk ka nevojë Manastiri të ruhet nga asnjë institucion i sigurisë sepse “janë vetë qytetarët e Deçanit që e kanë ruajt dhe kanë me ruajt në vazhdimësi”.
Qytetarët që kalonin atypari me vetura, konsideronin se nuk është dashur të vendosen fare, por të lirohet qarkullimi i ri i trafikut në atë rrugë. Sipas tyre, Manastiri është pronë e gjithë popullit të Kosovës, dhe jo vetëm e serbëve.
