Arbëri

Demantohet Bërnabiq, Osmani kërkoi heqjen e fusnotës

Vjosa Osmani - Samiti në Antalia
 

Burime nga delegacioni kosovar në Stamboll kanë demantuar pohimet e kryeministres serbe, Ana Bërnabiq. Siç ka marrë vesh KOHA, presidentja Vjosa Osmani ka kundërshtuar yllin dhe fusnotën në emrin e Kosovës dhe ka kërkuar që në versionin final të deklaratës së takimit ato të hiqen.

“Presidentja Osmani i ka votuar konkluzat me kusht që ylli dhe fusnota të hiqen. Kërkesën për heqjen e tyre e ka deponuar edhe me shkrim tek kryesuesi. Samiti ende është duke vazhduar dhe dokumentet finale janë në harmonizim”, ka treguar një burim për KOHËN, duke theksuar se deklarimet e Bërnabiqit përmes “Tanjugut” janë propagandë e zakonshme serbe.