Dhomat e Specializuara të Gjykatës Speciale kanë caktuar seancën e radhës ndaj Hysni Gucatit e Nasim Haradinajt, për 30 prill.
Sipas njoftimit të Dhomave të Specializuara, seanca do të mbahet duke filluar nga ora 11:00.
“Siç është njoftuar në Kalendarin tonë të Gjykatës, Konferenca e katërt për ecurinë e çështjes në çështjen kundër Hysni Gucatit dhe Nasim Haradinajt do të mbahet të premten, më 30 prill në orën 11:00”, thuhet në njoftim.
Gjykatësi i procedurës paraprake ua ka caktuar avokatëve të Gucatit e Haradinajt, datën 28 prill si afat të fundit për dërgimin e parashtresave.
Seanca do të jetë konferenca e katërt mbi ecurinë e çështjes.
