1 perditesime
Arbëri

Berisha: Asnjë parti shqiptare nuk reagoi për orkestrimin e votave nga Lista Serbe

Veton Berisha, kryetar i Partisë Liberale Egjiptiane, ka thënë se rënia e votave për Listën Serbe në vendvotime të caktuara dhe rritja e votave për parti të caktuara të komuniteteve të tjera në ato vendvotime, ka bërë që të ngrihen dyshime për një orkestrim votash nga Lista Serbe që të shtrijë ndikimin e saj në Kuvend përpos 10 ulëseve të veta të rezervuara.

23:21

Berisha: Asnjë parti shqiptare nuk reagoi për orkestrimin e votave nga Lista Serbe

Kryetari i Partisë Liberale Egjiptiane, Veton Berisha ka thënë në Interaktiv të KTV-së se është shqetësuese se asnjë parti shqiptare nuk ka dërguar ankesë në Panelin Zgjedhor për Ankesa dhe Parashtresa lidhur me manipulimin e votave nga Lista Serbe duke ia rritur votat partive të caktuara të komuniteteve të tjera.

Sipas tij, ky orkestrim votash në zgjedhjet e 14 shkurtit është i rrezikshëm për vendin nëse siç ka thënë, legjitimohet ky proces.

“Shqetësimi jonë është se nëse legjitimohet ky proces janë të mundshme shumë rrezikshmëri për vendin. Vendet e garantuara do ta humbin kuptimin dhe do të keqpërdoren nga secila palë në zgjedhje sepse secili ka të drejtë të organizojë një parti politike dhe të mbledhë vota për ta dhe të devijohet vota e qytetarit. Kjo është një mundësi shumë e mirë për secilin që të manipulojë në këtë formë”, ka thënë Berisha.

Ai ka shtuar se për këtë orkestrim votash nga Lista Serbe duhet të reagojnë të gjithë sepse po cenohet Kushtetuta e vendit.

“Po e shoh se sot nuk ka në PZAP asnjë lloj ankese nga asnjë subjekt politik, pasi secili subjekt politik që ka marrë pjesë në zgjedhje ka qenë pjesë e qeverisë dhe asnjë ankesë nuk është bërë nga ndonjë parti shqiptare. Duhet të reagojnë të gjithë sepse po cenohet Kushtetuta e vendit. Ky element i shkeljes është në Nenin 111 të ligjit për Zgjedhje dhe nenit 64.4 të Kushtetutës së Republikës së Kosovës”, ka thënë Berisha.


Berisha: Kemi kontaktuar edhe ambasadat, janë në pritje të vendimit nga PZAP-ja

I pari i Partisë Liberale Egjiptiane, Veton Berisha, ka thënë se për manipulimet me vota nga Lista Serbe janë kontaktuar edhe ambasadat në Kosovë, të cilat janë në pritje të vendimit nga PZAP-ja.

Berisha në “Interaktiv” të KTV-së ka thënë se raportet e organizatave që kanë vëzhguar zgjedhjet e 14 shkurtit do të jenë në dëm të Kosovës, pasi kanë evidentuar manipulimin e votave nga Lista Serbe.

“Kemi pas kontakte me ata që i kanë vëzhguar zgjedhjet. Ky manipulim do të dalë në raportin e tyre, pasi tani për tani nuk mund të përzihen, pasi ata kanë qenë vetëm në rolin e vëzhguesit. Ky raport do të jetë dëm për Kosovën. E drejta e votës për komunitetet është cenuar. Kemi kontaktuar me ambasadat, të cilat janë në pritje të vendimit nga PZAP-ja. Opinionet e tyre janë të ndjeshme, nuk mund t’i them para publikut. Do t’i shikojmë raportet e tyre, dhe do ta shohim konstatimin e njëjtë edhe nga ta”, ka thënë Berisha.

Ai ka shtuar nuk do të ketë nevojë për ankesë në Kushtetuese pasi beson fuqishëm se PZAP-ja do të vendosë në favorin e tyre.

“Unë besoj fuqishëm që PZAP-ja nuk do të lërë dilema rreth kësaj çështjeje, prandaj nuk do të kemi nevojë për ta dërguar ankesën në ndonjë instancë tjetër”, deklaroi Berisha.

23:12

Berisha: Lista Serbe pësoi rënie në vota aty ku u rritën parti të caktuara të komuniteteve tjera

Veton Berisha, kryetar i Partisë Liberale Egjiptiane, ka thënë se rënia e votave për Listën Serbe në vendvotime të caktuara dhe rritja e votave për parti të caktuara të komuniteteve të tjera në ato vendvotime, ka bërë që të ngrihen dyshime për një orkestrim votash nga Lista Serbe që të shtrijë ndikimin e saj në Kuvend përpos 10 ulëseve të veta të rezervuara.

Duke shprehur besimin që institucionet e Kosovës nuk do të lejojnë “devijimin e vullnetit të popullit”, Berisha në Interaktiv të KTV-së ka thënë se në ankesën që kanë bërë të premten partitë e komuniteteve joserbe në Panelin Zgjedhor për Ankesa dhe Parashtresa bëhet fjalë për 117 vendvotime të kontestuara.

“Ne sot kemi shfrytëzuar afatin ligjor, të drejtën tonë ligjore. Kemi dorëzuar një ankesë në PZAP dhe kemi përmbledhë të gjitha të dhënat që ne pretendojmë. Po besojmë fuqishëm në institucionet e Kosovës që ky fenomen dhe votat e orkestruara të anulohen e të kthehet vullneti i qytetarëve për të zgjedhur përfaqësuesit e tyre. Ne po e kontestojmë të ashtuquajturën Iniciativa Rome që ka dalë pak para zgjedhjeve. S’është e njohur për publikun. Pa bagazh politik, por që për pak ditë angazhim ka marrë mbi 4 mijë vota. Janë diku 117 vendvotime të kontestuara. Në 95 për qind të vendvotimeve, votues potencial të atyre vendvotimeve janë persona, banorë, të përkatësisë etnike serbe. Po aludojmë dhe po e lidhim me Listën Serbe sepse kjo është e koordinuar mirë me këtë listë, pasi ajo është përgjysmuar në këto vendvotime, për dallim nga hera e fundit. Për shembull në Graçanicë, ka pas 8 mijë e 233 vota e tash 4 e 31. Rreth 1200 vota tash i ka Iniciative Rome. Aty jetojnë 745 banorë të komunitetit joserb”, ka thënë Berisha.

Ai ka thënë se tash për tash dyshimet i kanë vetëm te Lista Serbe “sepse ajo ka rënie votash në ato vendvotime”.

Sipas tij, 20 vendet e garantuara për komunitetet në Kuvendin e Kosovës, “s’janë të rastësishme”.

“Janë 100 deputetë që garojnë në garën e rregullt që mund të votohen nga të gjithë, por duhet t’i nënshtrohen pragut e jo një parti rome që garon në kuadër të kësaj liste, por nëse garon te grupi i komuniteteve ka përgjegjësi tjetër që i zgjedhuri duhet të zgjidhet nga ata që i takojnë të njëjtit komunitet. Ka raste kur PZAP-ja ka vendosur për raste kur ka larguar dikë nga lista, kur ka qenë një shqiptar te ndonjë listë e caktuar... ka shpjeguar se i zgjedhuri duhet të jetë i zgjedhur nga i njëjti komunitet sepse ai i di më së miri problemet e komunitetit të tij”, ka shtuar ai.

“Në aspektin e orkestrimit dhe ndarjes votave, dyshojmë vetëm te Lista Serbe për momentin. Për elementin politik, sigurisht, e kemi praktikën e komunitetit goran, ku ka pasur gjithmonë mbështetjen e serbëve sepse ka qenë në shërbim të tyre dhe kjo na bën me i pas dyshimet tona. Ngritja nga 10 në 14 ose 15 deputetë e pengon vendimmarrjen në institucionet e Kosovës. E dini se sa i rëndësishëm është një deputet në Kuvend. Nuk duhet të bëhet eksperimente me komunitete. Unë besoj fuqishëm në PZAP dhe rasti nuk do të shkojë më tutje, sepse besoj në profesionalizmin e tyre. Ne kemi pas mbështetje edhe të ekspertëve të fushës, na kanë ndihmuar. Nuk na mbetet gjë tjetër veçse të ankohemi në Kushtetutë. Ka pak elemente që mund ta verifikosh këtë situatë, pasi janë vota të mirë koordinuara. Elementi kryesor është ai që Lista Serbe ka pasur rënie në vendvotimet me shumicë serbe. Nëse arrihet që votat të anulohen në këto vendvotime atëherë do t’i kthehej mandati deputetit legjitim, në këtë rast partisë sonë”, ka thënë Berisha.