Dhomat e Specializuara dhe Zyra e Prokurorit tё Specializuar tё Kosovёs përmes faqes zyrtare ka konfirmuar se më 28 tetor nga ora 15:00 do të mbahet një seancë dëgjimore për të akuzuarin Salih Mustafa.
Gjyqtari i procedurës paraprake thotë se, “ka vendosur që të mbajë një seancë dëgjimore në prani të Prokurorit special dhe mbrojtjes, të mërkurën, më 28 tetor 2020 në ora 15:00”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoE gjithashtu deri më 27 tetor urdhërohen Prokurori special dhe mbrojtja e Mustafës që të paraqesin parashtrimet me shkrim deri më 27 tetor nëse pajtohen me këtë datë.
Aktakuza kundër Salih Mustafës u konfirmua më 12 qershor 2020. Ai u arrestua nga Zyra e Prokurorit të Specializuar më 24 shtator dhe u transferua në objektin e paraburgimit të Dhomave të Specializuara të Kosovës në Hagë, më të njëjtën ditë.
Aktakuza e ngarkon Salih Mustafën me përgjegjësi penale individuale për ndalim arbitrar, trajtim mizor, torturë dhe vrasje të paligjshme, që janë krime lufte sipas të drejtës ndërkombëtare.