Arbëri

Përgjegjësi i karantinës raporton para Komisionit hetimor për menaxhimin e pandemisë

Descriptive Text

Komisioni për menaxhimin e pandemisë Covid-19, në mbledhjen e mbajtur sot ka intervistuar përgjegjësin e karantinës, Valdet Hashani.

Hashani para komisionit ka thënë se ka filluar punën më 6 prill dhe deri më 31 maj nuk ka pasur asnjë ditë pushim

Ai tutje ka shtuar se stafi menaxherial i qendrës nuk ka qenë staf vendimmarrës. Sipas tij, që nga dita e parë i ka pasur të caktuara detyrat.

“Nuk kam pasur pranim dorëzim të detyrës. Të karantinuarit që kanë hy në pikat kufitare edhe tokësore edhe aeroportit kanë ardhur në karantinë përmes FSK ose kanë ardhur edhe me vetura të veta. Dhe gjithmonë kanë shkuar me asistencë të Policisë. Personat që kanë hy nga pikat kufitare kanë hy prej ekipeve që kanë qenë aty, por ne nuk e kemi fut në karantinë pa një dokument të IKSHPK-së dhe të ekipeve të mjekësisë familjare. IKSHPK-ja e ka pasur një pyetësor ku zakonisht përmes të dhënave, simptomat që i ka manifestuar në ditën e pranimit. Nëse ka pasur simptoma të theksuara është kontrolluar nga ekipet mjekësore. Ekipet e mjekësisë familjare kanë qenë në shërbim për 24 orë. Asnjë person nuk është karantinuar pa i plotësuar këto. Ne fillimisht i kemi pyetur nëse ka ndonjë dëshmi që është me probleme shëndetësore”, ka thënë ai.