Situatë pothuaj e ngjashme meteorologjike do të vijojë edhe përgjatë këtyre dy ditëve të parashikimit në Kosovë, përjashtuar vranësirat e pjesshme të cilat më të theksuara do të jenë në vijën e relievit malor.

Siç njofton Instituti Hidrometeorologjik njofton se kjo gjendje stabile e motit vjen si pasojë e masave të ngrohta të ajrit me presion të lartë atmosferik.

“Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 27-30 gradë Celsius. Indeksi UV do të jetë i lartë, kryesisht në orët e mesditës, prandaj udhëzimet e IKSHP mbesin në fuqi”, njofton IHMK-ja.

Tutje, theksohet se do të fryjë erë kryesisht nga verilindja e lehtë deri mesatare.