VV-ja kërkon arsyetimin e faljes dhe lehtësimit të dënimeve të dëshmitarëve në rastin Dehari
Lëvizja Vetëvendosje ka përsëritur kërkesën e saj që të publikohen procesi dhe arsyetimi i faljes apo lehtësimit të dënimit të personave që ishin dëshmitarë në procesin hetimor për rastin e vdekjes së aktivistit të kësaj partie, Astrit Dehari.
Këto vendime ndaj dëshmitarëve të këtij rasti, Lëvizja Vetëvendosje ka thënë, përmes një postimi në Facebook, se “është e rëndësisë jetike të bëhet publike procesi dhe arsyetimi i faljes së rastit në fjalë që mbase edhe do të ndihmonte në sqarimin e rrethanave të vrasjes së Astritit”.
Aktivisti i Lëvizjes Vetëvendosjes, Astrit Dehari, para 4 vjetësh ishte gjetur i vdekur në qelinë e tij. Institucionet e Kosovës, e patën cilësuar vetëvrasje, por një ekspertizë mjekoligjore e kryer në një institut mjekësor në Lozanë të Zvicrës pati ngritur dilema edhe për opsione të tjera në këtë rast.
