Arbëri

Veliu paralajmëron mbledhjen e Këshillit të Sigurisë për rastin në Karaçevë

Veliu paralajmëron mbledhjen e Këshillit të Sigurisë për rastin në Karaçevë

Një javë pas hyrjes së trupave të xhandarmërisë serbe në territorin e Kosovës, konkretisht në fshatin Karaçevë të Kamenicës, ministri i Punëve të Brendshme, Agim Veliu, ka paralajmëruar mbajtjen e mbledhjes së Këshillit të Sigurisë Kombëtare për atë që ka ndodhur në Karaçevë.

“Unë jam duke e kompletuar informacionin në tërësi se çka ka ndodh në Karaçevë jemi në pritje të një mbledhje të Këshillit të Sigurisë Kombëtare në të cilën do ta diskutojmë situatën e krijuar dhe çka ka ndodhë në Karaçevë. Pas kompletimit të të gjitha informacioneve unë sigurisht do të raportoj në komisionin parlamentar por nëse është nevoja edhe në Kuvendin e Republikës së Kosovës”, ka thënë Veliu të premten në Pejë, raporton KOHA.