Arbëri

Qeverisë i kërkohet të bashkëpunojë me sektorin e gastronomisë

Qeverisë i kërkohet të bashkëpunojë me sektorin e gastronomisë
Foto: Koha / Arkiv

Komiteti i Gastronomisë dhe Turizmit mbajti takim me Odën Ekonomike Amerikane në Kosovë. Aty u kërkuar që qeveria të jetë në konsultim të ngushtë me komunitetin e biznesit para marrjes së çfarëdo masave që kanë ndikim direkt në këto biznese.

Aty u vlerësua së është e domosdoshme të shpejtohet votimi dhe fillimi i aplikimit të pakos së rimëkëmbjes ekonomike të propozuar nga Qeveria, sepse shumë biznese në këtë sektor rrezikojnë të mbyllen, duke rezultuar kështu në humbje të mëdha të vendeve të punës. Ndërsa, sipas tyre, një çështje tjetër me rëndësi për t’u trajtuar është edhe ajo mbi pasiguritë e mbarëvajtjes së punës siç është caktuar deri më tani në ambiente të hapura pas muajit shtator, kur kushtet klimatike do të pamundësojnë një gjë të tillë.