Përkundër që ishin shprehur publikisht kundër hartimit të një ligji të veçantë kundër COVID-19, edhe kryeministri Avdullah Hoti e edhe nga Ministria e Shëndetësisë, një iniciativë e tillë është ndërmarrë nga një trup tjetër institucional që funksionon në kuadër të Ministrisë së Punëve të Brendshme (MPB).
Grupi Ndërinstitucional për Menaxhimin e Incidenteve ka vendosur që të ndërmarrë një iniciativë për hartimin e një ligji të veçantë antiCOVID-19, shkruan KOHA.
Në një përgjigje dhënë gazetës, zyra për media e MPB-së nuk ka dhënë detaje për këtë iniciative vetëm se e kanë konfirmuar atë dhe kanë thënë se janë në fazën e inicimit të hartimit të këtij ligji.
“Grupi Ndërinstitucional për Menaxhimin e Incidenteve ka marrë një iniciativë të hartojë ligjin antiCOVID-19. Ne jemi ende në fazën e inicimit”, thuhet në përgjigjen e kësaj zyre.
