Arbëri

KDI-ja bën thirrje që të gjithë të respektojnë vendimin e Kushtetueses

KDI-ja bën thirrje që të gjithë të respektojnë vendimin e Kushtetueses

Instituti Demokratik i Kosovës ka kërkuar nga palët të respektojnë aktgjykimin e Gjykatës Kushtetuese lidhur me mandatarin.

Përmes një komunikate për media, KDI thotë se vendimi i djeshëm i Gjykatës lidhur me dekretin e Presidentit ka sqaruar disa prej dispozitave dhe parimeve më të ndjeshme që ndërlidhen me formimin e qeverisë, duke evituar situata të bllokimit edhe në të ardhmen.

“KDI ju bën thirrje të gjitha subjekteve politike dhe institucioneve të vendit që të respektojnë në plotni aktgjykimin e Gjykatës Kushtetuese, si institucioni vetëm që ka përgjegjësinë për interpretimin e Kushtetutës, dhe i cili është obligativ për të gjitha institucionet në Kosovë”, thuhet në komunikatë.

KD thotë se është në përgjegjësi të të gjitha palëve që të përmbahen nga gjuha dhe veprimet jodemokratike.