Arbëri

Së shpejti lansohet një ueb-faqe për nxënësit me nevoja të veçanta

Foto: KOHA
 

Edhe pse procesi mësimor nga distanca filloi disa javë, një pjesë e fëmijëve me nevoja të veçanta nuk janë duke ndjekur mësimin. Drejtues të disa shoqatave që merren me këta fëmijë, kanë thënë se mësimi online nuk po zhvillohet për nxënësit që janë në shkolla të rregullta, por vetëm për ata që janë pjesë e shkollave speciale.

Drejtoresha e shoqatës, “Down Syndrom Kosova”, Sebahate Hajdini-Beqiri, e konsideron të nevojshme që të lansohet edhe një platformë ku do të shfaqeshin materiale edukuese për fëmijët me nevoja të veçanta. Ajo ka treguar se fëmijëve që janë pjesë e shoqatës së tyre tash e disa javë kanë nisur t’u mbajnë seanca terapeutike.