Gjermania shprehet e përkushtuar t’i ndihmojë Kosovës në rast të ndonjë rasti me koronavirus, ose çfarëdo ndihme tjetër.
Kjo u bë e ditur përmes ambasadorit gjerman në Kosovë, Christian Heldt, i cili pati një takim me ministrin e Shëndetësisë Arben Vitia.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërmes një njoftimi për media nga MSH, thuhet se kryetemë e këtij takimi ishin masat e ndërmarra lidhura me situatën në raport me Koronavirusin, Covid –19, ku u diskutua për praktikat më të mira të preventivës dhe menaxhimit të situatës.
“Plani i gatishmërisë dhe i Reagimit kundër Covid-19 i Qeverisë së Kosovës është fleksibil duke na mundësuar që ta ndryshojmë nga çasti në çast, me qëllim të përshtatjes me zhvillimet në terren. Jemi duke vepruar sipas Planit të veprimit të paraparë”, deklaroi në këtë takim ministri Vitia.
Ndërsa, ambasadori i Gjermanisë, Christain Heldt tha se Gjermania ka vullnetin që ta përkrahë Republikën e Kosovës për çfarëdo ndihmë që i duhet gjatë kësaj faze.
