Thaçi thirrje urgjente Qeverisë të marrë vendime për kërkesat e SHBA-së: Konfrontimi me ta është i dëmshëm

Thaçi thirrje urgjente Qeverisë të marrë vendime për kërkesat e SHBA-së: Konfrontimi me ta është i dëmshëm

10 March 2020 15:33

Reagimeve të senatorit amerikan, David Perdue, të dërguarit të Posaçëm amerikan për dialogun Kosovë-Serbi Richard Grenell, e më pastaj, djalit të presidentit amerikan Donald Trump, Donald Trump JR, se “SHBA duhet ta rishqyrtojë kthimin e ushtarëve amerikanë nga Kosova”, i është bashkëngjitur presidenti Hashim Thaçi.

Senatori amerikan: Nëse Kosova nuk është e përkushtuar për paqe, SHBA-ja ta rishqyrtojë praninë atje

Thaçi i ka bërë thirrje urgjente Qeverisë së Kosovës që të marrë vendime për kërkesat që i ka bërë SHBA-ja, përfshirë këtu heqjen e tarifës.

“Si President i Republikës së Kosovës i kërkoj urgjentisht Qeverisë së Republikës së Kosovës, që të mblidhet dhe të marrë vendime në përputhje me kërkesat zyrtare të Shteteve të Bashkuara të Amerikës. Mjaft e keni cenuar lidhjen tonë speciale me SHBA-në, pa të cilën nuk do ta kishim as lirinë, as shtetin dhe as të ardhmen. Me këtë qasje po vihet në pikëpyetje edhe vetë e ardhmja e shtetit tonë. Të gjithë ne, krerë institucionesh, liderë politikë apo qeveri, jemi të zëvendësueshëm. Por, jetike dhe të pazëvendësueshme për Republikën e Kosovës janë vetëm raportet me SHBA-në. Konfrontimi me SHBA-në është shumë i dëmshëm dhe një gabim i pafalshëm në historinë moderne të Kosovës”, ka shkruar Thaçi.

I biri i Trumpit mbështet senatorin Perdue: Koha t'i kthejmë në shtëpi ushtarët amerikanë në Kosovë

© KOHA. Të gjitha të drejtat janë të rezervuara.

Komentet

Shto koment

Të ngjashme