Anëtarja e Parlamentit Evropian, njëherësh kryesuese e Misionit Vëzhgues të Bashkimit Evropian në zgjedhjet parlamentare të 6 tetorit në Kosovë, Viola Von Cramon, e ka vlerësuar hapin e parë të kryeministrit Albin Kurti, për heqjen e pjesshme të tarifës.
Ajo përmes një postimi në Twitter, duke publikuar deklaratën e ambasadorit gjerman në Kosovë Christian Heldt, i cili poashtu e vlerësoi veprimin e Kurtit, thotë se ky duhet të jetë hap për heqjen e vizave për Kosovën, transmeton Koha.net.
“Një sinjal shumë i rëndësishëm nga Albin Kurti. Kjo duhet të vlerësohet nga Këshilli i Evropës (në veçanti nga Berlini) që përfundimisht të heq regjimin e vizave për Kosovën”, ka shkruar Cramon në Twitter.
Edhe Heldt, në Twitter ka shkruar se heqja e pjesshme e tarifës mund të çojë në një proces konstruktiv në heqjen e barrierave tregtare dhe lëvizjes së lirë mes Kosovës dhe Serbisë.
Very important signal indeed by @albinkurti this should be appreciated by the #EUCouncil (in particular by #Berlin) by finally abolishing the #visaregime for #Kosovo https://t.co/bSJvmgWDaT
— Viola von Cramon (@ViolavonCramon) February 29, 2020
