Gjuriqi bën deklarata politike në vizitën që e quan veç humanitare

Leonita Bajrami 08 November 2019 11:32
19:21

Festa e “Shën Mitrit” në Mitrovicën e Veriut, solli edhe zyrtarë nga Serbia.

Shefi i Zyrës për Kosovën në Qeverinë e Serbisë, Marko Gjuriq, mori pjesë në lutjet që u mbajtën në sheshin “Shumadie”.

E hyrja e tij në Kosovë u bë me leje nga Ministria e Punëve të Jashtme.

Këtë e ka konfirmuar këshilltari Jetlir Zyberaj.

“Marko Gjuriq, ka kërkuar leje konform marrëveshjes së Brukselit, për hyrje në Kosovë. Bazuar në këtë marrëveshje, atij i është mundësuar vizita në Mitrovicën e Veriut dhe në Leposaviq”, ka thënë Zyberaj.

E, Gjuriqi potencoi se vizita e tij nuk është politike.

“Kjo nuk do të duhej të ishte temë as çështje politike, kur dikush nga Serbia vjen këtu. Askush nga ne nuk do tensione e as nuk do të krijojë tensione, andaj tema e lëvizjes së lirë nuk do të duhej të diskutohej”, ka thënë ai.

Në anën tjetër, Gjuriq njoftoi që janë 349 projekte, shkolla e spitale, në të cilat është investuar nga Qeveria e Serbisë në këtë pjesë të Kosovës.

Për të, theksoi së është e rëndësishme mbijetesa e serbëve në Kosovë, që, sipas tij, u vështirësua me taksë.

“Mendoj se kjo është mënyra më e mirë që të kontribuojmë këtu, me investime konkrete dhe kështu mund t’i përkrahim serbët në Kosovë që ata të mund të mbijetojnë”, ka thënë ai.

Marko Gjuriq tha se Lista Serbe përfaqëson serbët e Kosovës dhe se ajo është faktor i paqes dhe stabilitetit, e zyrtarë të kësaj partie e shoqëruan atë gjatë gjithë vizitës.

14:55

Gjuriqi kërkoi leje për hyrje në Kosovë

Gjuriq ka kërkuar leje për hyrje në Kosovë nga institucionet e Kosovës.

Këtë, për KTV-në, e ka konfirmuar edhe zëdhënësi nga Ministria e Punëve të Jashtme, Jetlir Zyberaj.

“Marko Gjuriq, ka kërkuar leje konform marrëveshjes së Brukselit për hyrje në Kosovë. Bazuar në këtë marrëveshje, atij i është mundësuar vizita në Mitrovicën e Veriut dhe në Leposaviç” ka thënë Zyberaj.

13:39

Gjuriq: Vizita ime në Kosovë për çështje humanitare, askush s’do të krijojë tensione

Drejtori i Zyrës për Kosovën në Qeverinë e Serbisë, Marko Gjuriq e ka vizituar Kosovën.

Ai gjatë të premtes ka marrë pjesë në lutjet për festën e Shën Mitrit.

Ndonëse tha se vizita e tij nuk ka qëllime politike ai tha se Mitrovica është pjesë e rëndësishme e shoqërisë serbe, raporton KTV.

Ndër të tjera, Gjuriqi tha se kjo vizitë është për çështje humanitare dhe askush nuk do të krijojë tensione.

“Kjo nuk do të duhej të ishte temë as çështje politike kur dikush nga Serbia vjen këtu. Askush nga ne nuk do tensione e as nuk do të krijojë tensione andaj tema e lëvizjes së lirë nuk do të duhej të ishte temë”, ka thënë Gjuriqi.

E për vizitën e tij, Ministria e Punëve të Jashtme në Kosovë nuk ka dhënë ndonjë deklarim zyrtar. Marko Gjuriq ndër të tjera ka thënë se do të vazhdojë të luftojë për serbët e Kosovës, siç tha ai, për mbijetesën e tyre.

11:32

Marko Gjuriq në veri të Mitrovicës

Drejtori i të ashtuquajturës Zyrë për Kosovës, Marko Gjuriq, ka ardhur sot në Mitrovicën Veriore për të marrë pjesë në lutjet për festën e "Shën Mitrit".

  • Foto: Koha
  • Foto: Koha
  • Foto: Koha
  • Foto: Koha
  • Foto: Koha

© KOHA. Të gjitha të drejtat janë të rezervuara.

Komentet

Shto koment

Të ngjashme